EL_No3man
كريزى مبتدىء
عدد المساهمات : 22
نقاط : 16600
تاريخ التسجيل : 09/09/2009
العمر : 34
الموقع : بجد مش عارف
 | | موضوع: جدولين مذاكرة هاتختار اى واحد فيهم؟ الجمعة ديسمبر 25, 2009 6:51 pm | |
| بمناسبة الامتحانات والمذاكرة
حبيت اكتبلكم حاجة
يارب تعجبكم
وتخفف ضغط المذاكرة عنكم شوية
علي اساس المذاكرة مقطعه بعضيها
[size=21]جدول مذاكرة
**امتحان أول ماده لسه فاضل عليه 10 أيام
يـادوب اقسم المادة والحق أذاكرها
** اللى بيحصل
بس الأول اتفـرج على فيلم واحد بس على الدش وابدأ أذاكر على طول
**النتيجة
أول يوم ضاع
**فاضل 9 ايام
امبـارح ضاع بس أيه يعني لسه 9 ايام بحالهم أكيد هخلص المادة ويمكن أجيب فيها امتياز كمان
اللى بيحصل**
امبارح نمت متأخر وصحيت بدري وقريت 3 ورقات انام شوية وأكمل ،، اصحى اتفرج على مسلسلين على 3 أفلام
النتيجة**
وآدي تاني يوم ضاع
لسه 8 ايام**
كده تمام لسه 8 أيام والمادة 80 صفحة يعني يا دوب كل
يوم 10 صفحات
اللي بيحصل**
أصحابي عدوا عليا نزلت وقفت معاهم شوية ويادوب طلعت بدري
بس كنت تعبان نمت على طول
النتيجة**
يوم تاني ضاع
باقي 7 ايام**
إيه ده أسبوع بس دا أنا لازم امسك المادة أخلصها كلها
واحنا لسه فيها
اللى بيحصل **
بدأت الصبح وذاكرت بجد بتاع 7 ورقات كده بس اتغديت
والأكل كبس عليا قلت أنام وأكمل بالليل
وبالليل كان فيه حتة برنامج كوميدي جامد جدا ما قدرتش
أقاومه
النتيجة**
يوم زي اللى قبله
هانت كلها 6 ايام**
يعني ممكن اقسم الماده كل يوم بتاع 14 او 15 صفحة
وأخلصها بسرعة ومش لازم امتياز يعني جيد جدا كويس أوي
اللي بيحصل**
ذاكرت نص ساعة بحالها كفاية قوي كده ما أنا خلصت 12 ورقة اهو
النتيجة**
طبعا عارفينها
باقي من الزمن 5 ايام**
ياسلام كده يعني كل يوم 20 ورقة وآخر يوم مراجعة عامة دا أنا عبقري
اللى بيحصل**
قريت 20 ورقة بالعافية وبعدين هو انا هفضل أذاكر طول
اليوم ،، عايز اعمل شات على النت شوية
النتيجة**
اهو يوم وعدى
فاضل 4 ايام**
كل اللى قريته مش فاكر منه حاجة يبقى نبدأ كل يوم 20
ورقة ومش لازم نراجع
اللى بيحصل**
النهارده جت شوية أفلام أكشن على الدش فضلت طول النهار
أتفرج عليها
النتيجة**
مش لازم أقولها يعني
كلها 3 ايام**
نظام 20 ورقة كل يوم ده ماينفعش أنا هذاكر نص الملزمة
النهارده
اللى بيحصل**
بعد 20 كوباية شاي و 16 فنجان قهوة ذاكرت 27 ورقة الصبح
في ساعة كده بس هو أنا هفضل طول اليوم أذاكر ولا إيه
كفايه كده النهارده وكفاية عليا أجيب 12 من 20
النتيجة**
بدأت أذاكر اهو
فاضل بكره بس وبعده**
يومين بحالهم يعني أكمل بقيت المادة النهارده وبكره
أراجع
اللى بيحصل**
ميدو .. ميدو احنا نازلين المول جاي ولا لأ
طبعا ماينفعش أقول لأصحابي لأ ليفتكروني دحيح ويحسدوني
النتيجة**
اللى بنيناه اتهد
النهارده اخر يوم**
يعني لازم انتحــر مــذاكرة اقلها أذاكــر 12 ســـاعـــة ده أنا
امتحاني بكرة يا عالم
اللى بيحصل**
الحماس بيخليني اذاكر ساعتين تمام بس اعمل ايه في الصداع
مش قادر أكمل أنام واصحى الفجر أذاكر و10 درجات كفاية
أوي
**النتيجة
ربنا يستر
فاضل ساعتين**
الحق وانا رايح الامتحان أقرا باقي الورق اللى ما لحقتش
أقراه و يادوب أجيب 8 وآخد درجات رأفة
اللي بيحصل**
البنت دي لابسه لبس جامد أوي ،، هو الراجل ده بيبصلي كده
ليه؟ عمرهم ما شافوا حد بيذاكر قبل كده
النتيجة**
الامتحان بدأ و أنا لسه ما كملتش نص الملزمة
هاتختار الجدول ده ولا
الجدول التانى
[/size] هذا جدول مبسط من اعدادي للمذاكره
الصباح بعد صلاة الفجر افتح كتابك على الاشياء اللي تريد حفظ مثل الأبيات
الشعرية أو الآيات القرآنية أو حتى القواعد والمسلمات في الفيزيا
والرياضيات أو أحفظ كلمات انجلش لأنع بعد صلاة الفجر ينزل غاز الاوزون
ويعمل على تنشيط الاعصاب وتسهيل الحفظ.
بعد هذا تجهز للمدرسة وروح ادرس بنشاط وبدون لعب ولما ترجع تغدى وارتاح
لحد صلاة العصر. بعد الصلاة ابدأ حل واجباتك لحد المغرب. بعد المغرب خذ
بريك ساعة وارجع ذاكر.
قسم مذاكرتك على المواد الاساسية يعني كل يوم مادة وذاكر حتى موعد العشا.
روح صلي وتعشى وبعدها فتح النت ساعة وحدة لا أكثر(اذا حاب طبعا) ولازم الساعة 11:30 تروح تنام علشان تصحى الفجر تحفظ.
أيام الخميس والجمعة لا تحطها راحه. لازم تراجع كل اللي درسته بهذاك الاسبوع.
هذا هو جدول مبسط لو إلتزمت فيه أنا أضمنلك التميز
نصيحة اخوية وأرجوا انك تنفذها لأنها بتفيدك كثير:
1) لا تهمل مذاكرة الفجر لأنه المخ يكون في أحسن حالاته في هذاك الوقت
2) ابتعد عن أكل أي شي مر أو حامض وحاول تأكل أشياء حلوة فيها سكريات علشان يكون عندك طاقة لحفظ والمذاكرة وأنصحك بالعسل.
3) حاول تقول ادعية المذاكرة دائما.
4) كتب هدفك في ورقة وبخط كبير وعلقه قدام طاولتك علشان تشوفه كل ساعة.
مثلا كتب يا فلان(اسمك) ذاكر علشان تدخل الجامعة وتروح كلية الطب.
هذا شي يقوي نفسيتك ويعطيك دافعية للمذاكرة.
5) تجنب السهر المطول بالليل واعطي جسمك الراحة الكافية وحاول تنامي من 6 الى 8 ساعات يوميا.
ويارب يكرمنا كلنا
اللهم امين | |
|
C@PT!N $M$M
مدير المنتدى
عدد المساهمات : 56
نقاط : 36644
تاريخ التسجيل : 05/09/2009
العمر : 34
| | موضوع: رد: جدولين مذاكرة هاتختار اى واحد فيهم؟ الأحد يناير 31, 2010 8:18 pm | |
| طبعا الجدول التانى بس نعمل ايه الواحد اوقات كتير بيمشى بالجدول الاول
النعمان.... توبيك اكثر من راائع
| |
|
